八成港女識男仔 先起底約會前網搜
網絡資訊發達，網上「起底」風氣盛行，原來連網上結識約會對象亦會被「起底」。一間男女配對公司於年初在香港、新加坡和馬來西亞進行調查，發現八成港女都會對素未謀面的潛在約會對象，用Facebook和Google來「起底」。調查公司建議單身人士要整理自己的社交媒體頁面，和設定社交網站的私隱程度，為免被人網上跟蹤，實行「大洗底」。（都市日報）
港女約男仔 八成先起底
男士都有六成
【明報專訊】社交媒體興起，造就單身男女更容易透過網絡約會。亞洲午餐約會公司Lunch Actually噚日公布咗一項約會習慣嘅調查，佢哋年初訪問咗375人，結果發現約會前，無論港男定港女都鍾意先「起底」，當中80%受訪女士喺約會前，會先上網搜尋男方資料，係三地之中比例最高嘅。
最常見嘅「起底」方式相信大家都估到喇，就係喺facebook搜尋對方帳戶，Google都唔弱，係搜尋第二位。亦有62％港男會喺約會前先起女方底。
另外，分別有43%及46%嘅受訪港女，唔介意同收入及教育程度低過自己嘅男士約會，比例亦係三地之中最高。
港男方面，分別有76%同83%嘅受訪者話，願意同收入及教育程度比自己高嘅女士約會。調查又發現，對於港男嚟講，最吸引嘅異性一定係樣靚；但女士就認為男士自信同果斷嘅性格最吸引。
男士自信果斷最吸引
呢個調查訪問超過1900個嚟自香港、新加坡同馬來西亞嘅受訪者，港人佔375人，港男港女比例約1﹕1。有41%受訪港人話會透過網絡約會異性。
港女起底 原文: 港女約男仔 八成先起底
